दुर्दैवी... रक्षाबंधनानिमित्त माहेरी आलेल्या तरुण नवंविवाहितेने घेतला गळफास !

 

 

 

 

 

 

सविस्तर वृत्त असे कि, शेवाळे येथील नानू शिवदास फादगे यांची कन्या उमा फादगे हि त्यांना एकुलती एक मुलगी होती. हिचा विवाह जळगाव येथील खंडेराव नगरातील रहिवाशी सनी प्रेमनाथ उमप यांच्याशी शेवाळे येथे दि. १८ मे २०२२ रोजी मोठ्या थाटामाटात पार पडला. दरम्यान, रक्षाबंधनानिमित्त दि. १२ ऑगस्ट रोजी उमा हिचे वडिल नानू फादगे हे उमाला माहेरी घेऊन आले होते.

 

याच दिवशी रात्री उमा ही गावात वास्तव्यास असलेली तिची मावशी शिलाबाई सोमनाथ गायकवाड यांच्या घरी झोपण्यासाठी गेली होती. आज शनिवारी रोजी उमा आपल्या घरी आल्यानंतर मला आंघोळीसाठी जायचे आहे असे सांगुन घरातील स्नानगृहाकडे गेली. दरम्यान बराच वेळ होवुन सुद्धा उमा बाहेर येत नसल्याचे पाहून वडील नानू फादगे यांनी घरात शोध घेतला असता घरातील स्वयंपाक घरात उमा ही दोरीच्या सहाय्याने फाशी घेतलेल्या अवस्थेत त्यांना आढळुन आली.

 

दरम्यान, ग्रामस्थांच्या मदतीने उमा हिस पाचोरा ग्रामीण रुग्णालयात दाखल केले असता वैद्यकीय अधिकारी डॉ. अमित साळुंखे यांनी उमा हिस मृत घोषित केले. उमा सनी उमप या विवाहितेने आत्महत्या का केली ? यांचे कारण मात्र अद्याप समजु शकले नाही. याप्रकरणी पाचोरा पोलिसात अकस्मात मृत्यूची नोंद करण्यात आली असून पुढील तपास पोलिस काॅन्स्टेबल राकेश खोंडे हे करित आहे.