म्यानमारमध्ये 50 वर्षांत प्रथमच चौघांना फाशी

म्यानमार : म्यानमारमध्ये (Four hanged) 50 वर्षांत पहिल्यांदाच एखाद्याला फाशी देण्यात आली आहे. नॅशनल लीग फॉर डेमोक्रसी (NLD) चे माजी खासदार, लोकशाही समर्थक आणि इतर दोघांना फाशी देण्यात आली आहे, असे सरकारने सोमवारी सांगितले.

 

 

 

 

 

म्यानमार गेल्या वर्षी लष्कराने ताब्यात घेतला आणि त्यानंतर हिंसाचार झाला. हिंसाचार प्रकरणात सरकारने फाशी दिली आहे. मात्र, फाशी नेमकी केव्हा देण्यात आली याची माहिती देण्यात आलेली नाही. फासावर मारल्या गेलेल्यांमध्ये आंग सान स्यू की यांच्या पक्षाचे रॅपर आणि माजी खासदार फ्यो झेया थाव आणि प्रख्यात लोकशाही कार्यकर्ते कायव मिन यू यांचा समावेश होता. या दोघांवर दहशतवादी कारवाया करण्याचा कट रचल्याचा आरोप ठेवण्यात आला होता आणि जानेवारीमध्ये बंद खटल्यांमध्ये त्यांना फाशीची शिक्षा सुनावण्यात आली होती.

 

एजन्सी फ्रान्स-प्रेसच्या मते इतर दोन पुरुषांवर (ह्ला मायो आंग आणि आंग थुरा जब) एका महिलेच्या हत्येचा आरोप होता. ही महिला यंगूनमधील लष्करी माहिती (Four hanged) देणारी असल्याचा संशय दोन्ही पुरुषांना होता. एका वृत्तानुसार, फाशी देण्यात आलेल्या माजी खासदाराच्या पत्नीने दावा केला आहे की, फाशी देण्यापूर्वी तिला माहिती देण्यात आली नव्हती आणि ती स्वतः याची पुष्टी करण्याचा प्रयत्न करत आहे. माजी खासदार फ्यो झेया थाव यांना यापूर्वी 2008 मध्ये परकीय चलन बाळगल्याच्या आणि माजी लष्करी सरकारच्या काळात अवैध संबंध ठेवल्याच्या आरोपाखाली तुरुंगात टाकण्यात आले होते.

 

सांक्युक राष्ट्र तज्ञ आणि जगभरातील अनेक देशांनी म्यानमार सरकारला या चार कैद्यांना दया दाखवून माफी देण्याची विनंती केली होती. मात्र म्यानमार सरकारने जगातील कोणत्याही देशाचे ऐकले नाही. दहशतवादी कारवायांचा एक भाग म्हणून खून आणि इतर गैरकृत्यांमध्ये सहभागी असल्याने कायदेशीर प्रक्रियेनुसार चार कैद्यांना फाशी देण्यात आल्याचे सरकारने म्हटले आहे. जूनमध्ये, दक्षिणपूर्व आशियाई राष्ट्रांच्या संघटनेचे (आसियान) अध्यक्ष आणि कंबोडियाचे पंतप्रधान हुन सेन यांनी म्यानमारच्या शेजार्‍यांमध्ये चिंतेचे वातावरण पसरवणाऱ्या पत्रात जंटा नेते मिन आंग हुलिंग यांना फाशी न देण्याचे आवाहन केले होते.