'हर घर तिरंगा' साठी मोदींनी केले आवाहन...13 ऑगस्ट ते 15 ऑगस्टपर्यंत...

 

 पंतप्रधान म्हणाले, "आम्ही वसाहतवादी राजवटीविरुद्ध लढत असताना स्वतंत्र भारताच्या ध्वजाचे स्वप्न पाहणाऱ्या सर्वांचे धैर्य आणि प्रयत्न आज आम्हाला आठवत आहेत. त्यांची स्वप्ने पूर्ण करण्यासाठी आणि त्यांच्या स्वप्नांचा भारत घडवण्यासाठी आम्ही आमच्या वचनबद्धतेचा पुनरुच्चार करतो. "यंदा आपण 'आझादी का अमृत' उत्सव साजरा करत असताना, 'हर घर तिरंगा' चळवळीला बळ देऊ या. 13 ऑगस्ट ते 15 ऑगस्ट पर्यंत तुमच्या घरांमध्ये तिरंगा फडकावा किंवा प्रदर्शित करा. या मोहिमेमुळे राष्ट्रध्वजाशी आपला संबंध अधिक दृढ होईल. तिरंगा राष्ट्रध्वज म्हणून स्वीकारण्याबाबतच्या अधिकृत संप्रेषणाचा तपशीलही मोदींनी (Modi) ट्विटरवर शेअर केला. भारताचे पहिले पंतप्रधान जवाहरलाल नेहरू यांनी फडकवलेल्या पहिल्या तिरंग्याचे छायाचित्रही त्यांनी ट्विट केले. भारताच्या स्वातंत्र्याच्या 75 व्या वर्धापन दिनानिमित्त सरकारने 'हर घर तिरंगा' मोहीम सुरू करण्याची योजना आखली आहे.