मुख्यमंत्री एकनाथ शिंदे यांना आत्मघातकी स्फोट घडवून जीवे मारण्याचा कट ; मुख्यमंत्र्यांच्या सुरक्षेत वाढ

    दिनांक : 02-Oct-2022
Total Views |
मुंबई : मुख्यमंत्री एकनाथ शिंदे यांच्या जीवाला मोठा धोका असून त्यांना जीवे मारण्याची धमकी मिळाल्याची माहिती गुप्तचर विभागाला मिळाली आहे. मुख्यमंत्री एकनाथ शिंदे यांना आत्मघातकी स्फोट घडवून जीवे मारण्याचाही कट रचण्यात आल्याचीही माहीती गुप्तचर विभागाला मिळाली आहे. त्यामुळे पोलिस सतर्क झाले असून या संबंधी तपास सुरू आहे.
 
 

shinde
 
 
 
 
मुख्यमत्र्यांना पत्राद्वारे ही धमकी देण्यात आली आहे. या धमकी मुळे एकच खळबळ उडाली आहे. मुख्यमंत्र्यांच्या सुरक्षेत वाढ करण्यात आली आहे. तपास यंत्रणा देखील कामाला लागल्या आहेत. मुख्यमंत्री एकनाथ शिंदे यांना आत्मघातकी स्फोट घडवून जीवे मारण्याचाही कट रचण्यात आल्याचीही माहीती गुप्तचर विभागाला मिळाली आहे.
 
महिनाभरापूर्वीच मुख्यमंत्री एकनाथ शिंदे यांना जीवे मारण्याचे पत्र मंत्रालयात त्यांच्या कार्यालयात आले होते. त्यानंतर एक निनावी फोन देखील आला होता. या फोनद्वारे देखील धमकी देण्यात आली. मुख्यमंत्री एकनाथ शिंदे यांना आधीच माओवाद्यांनी जीवे मारण्याची धमकी दिली होती. तब्बल तीन वेळा मुख्यमंत्री एकनाथ शिंदेंना धमकी आलेय. गडचिरोलीचे पालकमंत्री होते त्यावेळेस देखील मुख्यमंत्री एकनाथ शिंदे यांना जिवे मारण्याची धमकी आलेली होती.
 
या धमकी प्रकरणाची अत्यंत गांभीर्याने दखल घेण्यात आली आहे. मुख्यमंत्री एकनाथ शिंदे यांच्या सुरक्षेच्या दृष्टीने अत्यंत कडक पावले उचलली जाणार आहेत. मुख्यमंत्र्यांना विविध सुचना करण्यात आल्या आहेत. मुख्यमंत्री एकनाथ शिंदे यांच्या सुरक्षेच्या अनुषंगाने गृहखाते अत्यंत सतर्क झाल्याचे भाजपा प्रदेशाध्यक्ष चंद्रशेखर बावनकुळे यांनी सांगीतले.
 
मुख्यमंत्र्यांची लोकप्रियता वाढत आहे. तसेच त्यांनी पीएफआय संघटेनेविरोधात केलेल्या कारवाईमुळे त्यांच्याविरोधात कट रचला जात असल्याचा आरोप शिंदे गटाचे नेते किरण पावसकर यांनी केली आहे. धमकीच्या फोन मध्ये काय म्हटलं. पत्रात नेमक काय आहे याबाबत तपास यंत्रणांकडून अत्यंत गोपनीयता पाळली जाते आहे. कोणीही अधिकृतरित्या यावर बोलायला तयार नाही.
 
आषाढी एकादशी दिवशी मुख्यमंत्री हे पंढरपूरला गेले होते. तिथे खूप मोठ्या प्रमाणात वारकऱ्यांची गर्दी असते. या गर्दीमध्ये आत्मघाती घडवून मुख्यमंत्र्यांच्या जीवाला धोका निर्माण करण्याचा प्लॅन होता.