सारे जण राष्ट्रगीतात मग्न तर विराट कोहली च्युईंगम खाण्यात व्यस्त...

24 Jan 2022 16:23:01
केपटाउन : येथे झालेला क्रिकेट सामना सुरू होण्यापूर्वी भारतीय राष्ट्रगीत वाजवण्यात आले. त्यावरुन भारताचा माजी कर्णधार विराट कोहली पुन्हा एकदा वादात सापडला आहे. यावेळी सर्व खेळाडू एकत्र उभे राहून राष्ट्रगीत गाताना दिसले. मात्र, यादरम्यान विराट कोहली च्युइंगम चघळताना दिसला. जे ब्रॉडकास्टरच्या कॅमेऱ्यात कैद झाले. कॅमेऱ्याच्या वेगवेगळ्या अँगलमधून घेतलेल्या शॉटमध्ये विराट दोनदा दिसला आणि दोन्ही वेळा तो एकच काम करताना दिसला. लोकांना विराटचे हे कृत्य आवडले नाही आणि तो ट्रोल होऊ लागला.

Vikrat 
 
भारताचा माजी कर्णधार विराट कोहली पुन्हा एकदा वादात सापडला आहे. रविवारी दक्षिण आफ्रिकेविरुद्धच्या तिसर्‍या आणि शेवटच्या एकदिवसीय सामन्यात त्याच्या एका चुकीमुळे चाहते आणि टीकाकार नाराज झाले. यानंतर लोकांनी बीसीसीआयकडे विराटवर कारवाई करण्याची मागणीही केली.

 
विराटच्या या कृत्याचा संपूर्ण व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये चाहते नाराजी व्यक्त करत आहेत. राष्ट्रगीताचा अपमान केल्याबद्दल चाहत्यांनी त्याला सोशल मीडियावर प्रचंड ट्रोल केले. या मालिकेसह विराट कोहलीने खेळाच्या सर्व फॉरमॅटमधील कर्णधारपद सोडले आहे. अशा परिस्थितीत कर्णधारपदाच्या जबाबदारीतून मुक्त झाल्यानंतर विराटचा हा प्रकार चाहत्यांना आवडला नाही. विराट कोहलीच्या चुकीमुळे चाहते आणि टीकाकार नाराज झाले.
 

 
Powered By Sangraha 9.0