बिग बॉस मध्ये दिसणार रणवीर सिंह

मुंबई : वादग्रस्त रिॲलिटी शो 'बिग बॉस 15' चा (Big Boss 15) आजपासून प्रीमियर होणार आहे. शो'चा होस्ट सलमान खान (Salman Khan) आज स्पर्धकांना प्रेक्षकांची ओळख करून देणार असून बॉलिवूड अभिनेता रणवीर सिंह (Ranveer Singh) देखील बिग बॉस 15 च्या प्रीमियरला उपस्थित राहणार आहे. रणवीर त्याच्या आगामी शो 'द बिग पिक्चर'च्या (The Big Picture) प्रमोशनसाठी कलर्सवर (Colors TV) येत आहे. रणवीरचा शो कलर्स वाहिनीवर 16 ऑक्टोबरपासून सुरू होणार आहे. बिग बॉस 15 चा नवीन प्रोमो आला आहे, ज्यात रणवीर सिंग आणि सलमान खान एकत्र मजा करताना दिसत आहेत.

 

रणवीर सिंग, मौनी रॉय वगळता हिना खान प्रीमियरच्या रात्री परफॉर्म करणार आहेत. स्पर्धकांबद्दल बोलताना, शमिता शेट्टी, प्रतीक सहजपाल, निशांत भट, डोनल बिश्त, आकासिंग, उमर रियाज, करण कुंद्रा, अफसाना खान, जय भानुशाली, सिम्बा नागपाल आणि तेजस्वी प्रकाश यांचा बिग बॉसच्या या मोसमात समावेश होणार आहे. यावेळी बिग बॉस OTT वर सुद्धा आला. ज्याचे निर्माते करण जोहर होते. टीव्ही अभिनेत्री दिव्या अग्रवालने हा शो जिंकला. या शोचे स्ट्रीमिंग 24 तास वूटवर होते. दिव्या अग्रवाल व्यतिरिक्त शमिता शेट्टी, प्रतीक सहजपाल, नेहा भसीन, राकेश बापट, निशांत भट यांच्यासह अनेक लोक सहभागी झाले होते. बिग बॉसच्या ओटीटी सीझनलाही प्रेक्षकांकडून खूप प्रेम मिळाले. हा शोही खूप आवडला.