नेमारने तोडला वैद्यकीय प्रोटोकॉल, फायनलसाठी बंदीची शक्यता

 मुंबई 

 

ब्राझीलचा स्टार फुटबॉल नेमार याच्यावर चॅम्पियन्स लीगच्या अंतिम सामन्यासाठी बंदी घातली जाऊ शकते. मंगळवारी चॅम्पियन्स लीगच्या उपांत्य सामन्यात लाइपत्सिगविरुद्ध पीएसजीच्या विजयानंतर नेमार कॅमेर्‍यावर शर्टची अदलाबदल करताना पकडला गेला.

 

नेमारने मार्सेल हॅल्स्टनबर्गबरोबर आपला शर्ट बदलला. पीएसजीने प्रथमच चॅम्पियन्स लीगच्या अंतिम सामन्यात प्रवेश केला आहे. कोरोना व्हायरसच्या पार्श्वभूमीवर यूईएफएच्या नवीन वैद्यकीय प्रोटोकॉलनुसार, नेमारवर एका सामन्याची बंदी घातली जाऊ शकते आणि दुसर्‍या खेळाडूबरोबर शर्ट बदलल्यामुळे स्वत:ला 12 दिवस क्वारंटाइन करावे लागू शकते.

 

नियमांनुसार शर्ट अदलाबदल केल्याने नियमात स्पष्टपणे ’बंदी’ नसल्यामुळे ’शिफारस केलेले’ या शब्दाचा उल्लेख नेमारला मदत करू शकेल असे तज्ञांचे मत आहे. नेमारने प्रोटोकॉलचे अनुसरण न करण्याचा स्पष्ट निर्णय घेतला असला तरी त्याचे पालन न केल्यास यूईएफए समिती ब्राझीलच्या या स्टार फुटबॉलरवर शिस्तभंगाची कारवाई करू शकते. जर तसे झाले तर नेमारला रविवारी अंतिम सामन्यात बेयर्न म्यूनिख व लिओन शोडाउनमधील विजेत्याविरुद्ध फायनल सामना खेळता येणार नाही.

 

पीएसजीने पहिल्यांदा त्यांनी यूईएफए चॅम्पियन्स लीगच्या अंतिम फेरी गाठली आहे. याचे एक मोठे श्रेय नेमारला जाते. त्याने लाइपत्सिगविरुद्ध संपूर्ण सर्वोत्तम कामगिरी केली. जर शर्ट-अदलाबदलीच्या घटनेनंतर नेमरला क्वारंटाईन केले तर पीएसजीच्या पहिल्या चॅम्पियन्स लीगच्या विजेतेपदाच्या अपेक्षेने त्यांना मोठा धक्का बसणार आहे.