देशातील कोरोनाबाधितांनी संख्या पाच लाखांवर

 

आरोग्य व कुटुंब कल्याण मंत्रालयाने आज शनिवारी दिलेल्या माहितीनुसार, गेल्या २४ तासात देशात १८ हजार ५५२ कोरोनाबाधित नव्या रुग्णांची वाढ झाली आहे. त्यामुळे देशातील एकूण कोरोनाबाधित रुग्णांची संख्या ५ लाख ८ हजार ९५३ इतकी झाली आहे. तर गेल्या २४ तासात ३८४ कोरोनाबाधित रुग्णांचा मृत्यू झाला असून देशातील एकूण कोरोनाबाधित बळींची संख्या १५ हजार ६८५ इतकी झाली आहे. गेल्या आठ दिवसांपासून १४ ते १५ हजारांनी वाढणारी कोरोनाबाधित रुग्णांच्या संख्येने १८ हजारांचा टप्पा ओलांडल्यामुळे देशात चिंतेचे वातावरण निर्माण झाले आहे.