रत्नागिरी जिल्हा पर्यटन पुस्तिकेचे मुख्यमंत्र्यांच्या हस्ते प्रकाशन

 

 

मुंबई, दि. 20 : रत्नागिरी जिल्हा पर्यटन पुस्तिकेचे मुख्यमंत्री देवेंद्र फडणवीस यांच्या हस्ते आज मंत्रालयात प्रकाशन करण्यात आले. या पुस्तिकेत गड-किल्ले, समुद्रकिनारे तसेच महत्त्वपूर्ण ऐतिहासिक स्थळांची माहिती देण्यात आली आहे.

यावेळी महसूलमंत्री चंद्रकांत पाटील, पर्यावरणमंत्री रामदास कदम, सार्वजनिक बांधकाम तसेच आरोग्यमंत्री एकनाथ शिंदे, अन्न व नागरी पुरवठा मंत्री गिरीश बापट, ऊर्जामंत्री चंद्रशेखर बावनकुळे, जलसंधारण मंत्री प्रा. राम शिंदे,पर्यटनमंत्री जयकुमार रावल, मुख्य सचिव दिनेश कुमार जैन तसेच इतर वरिष्ठ अधिकारी उपस्थित होते.