संजय राऊतांच्या घरी ईडीची धाड

जळगाव : शिवसेना खासदार संजय राऊत यांच्या अडचणीत आणखी वाढण्याची शक्यता आहे. कारण आज (रविवार) पहाटे ईडीच्या पथकाने संजय राऊत यांच्या घरी धाड टाकली आहे. गोरेगावाच्या पत्राचाळ प्रकरणी ईडीने ही छापेमारी केली आहे. गेल्या ३ तासापासून राऊत यांच्या घराची झाडाझडती सुरू करण्यात आली आहे. काही कागदपत्रं तपासण्यात येत आहेत. तसेच राऊतांची चौकशीही करण्यात येणार असल्याचं सांगण्यात येत आहे. ही कारवाई बराच वेळ चालण्याची शक्यता वर्तवण्यात येत आहे. त्यामुळे राऊत यांची चांगलीच अडचण झाली आहे.

 

 

 

 

 

 

दुसऱ्या ट्विटमध्ये संजय राऊत म्हणाले की, खोटी कारवाई, खोटे पुरावे, मी शिवसेना सोडणार नाही. मी मेलो तरी शरण जाणार नाही. जय महाराष्ट्र.

 

 

भाजप नेते किरीट सोमय्या यांनी संजय राऊत यांच्यावर निशाणा साधला आहे. किरीट सोमय्या म्हणाले की, संजय राऊत यांना हिशोब द्यावा लागेल. माफियागिरी असो, धमक्या असो किंवा पत्रा चाळ घोटाळा असो, संजय राऊत यांना हिशोब द्यावाच लागेल.

 

 

सिद्धार्थ नगर गोरेगाव, मुंबई येथे आहे. त्याला पत्रा चाळ असेही म्हणतात. पत्रा चाळ 47 एकरात पसरलेली आहे. पत्रा चाळच्या पुनर्विकासात झालेल्या हेराफेरीची ईडी चौकशी करत आहे. 2008 मध्ये महाराष्ट्र गृहनिर्माण आणि क्षेत्र विकास प्राधिकरणाने (म्हाडा) पत्रा चाळीच्या पुनर्विकासाचे काम सुरू केले होते. त्यात 672 भाडेकरू होते. पुनर्विकासाचे कंत्राट गुरु आशिष कन्स्ट्रक्शन लिमिटेडला देण्यात आले होते.