गिरणा धरणाची शंभरीकडे वाटचाल; गिरणा प्रकल्पाचे दोन दरवाजे उघडले

चाळीसगाव व नाशिक जिल्ह्याच्या सीमेवर असलेल्या गिरणा प्रकल्पाची क्षमता ३९८.०७० मिटर असून सद्यस्थितीत प्रकल्पात ३९७.३४० मिटर पाणीसाठा आहे. तर २६.२५ दलघमी पाण्याची आवक होत असून प्रकल्प पाणलोट क्षेत्रात आतापर्यंत २८८ मि.मी पावसाची नोंद झाली आहे. प्रकल्पात होणारी पाण्याची आवक पहाता प्रकल्प सुरक्षिततेच्या दृष्टिने प्रकल्पाचे १ आणि ६ क्रमांकाचे दोन गेट १ फूटाने उघडण्यात आले असून प्रकल्पातून २४७६ क्यूसेक (७०.११क्यूमेक्स) विसर्ग नदीपात्रात केला जात आहे. तसेच प्रकल्पात होणारी पाण्याची आवक पहाता पाण्याच्या विसर्गात टप्प्याटप्प्याने वाढ केली जाण्याची शक्यता आहे. परिणामी गिरणा प्रकल्पाच्या खालील नदीकाठच्या गावांना सतर्कतेचा इशारा देण्यात आला आहे.

 

कार्यकारी अभियंता,

गिरणा प्रकल्प पाटबंधारे विभाग जळगाव