युरोपातील सर्वात मोठा स्टील प्लांटमध्ये स्फोट...

युक्रेनच्या खासदार लेस्या वासिलेंको यांनी हा प्लांट उद्ध्वस्त झाल्यानंतर एक ट्वीट केलंय. त्यात म्हटलंय की, "युरोपमधील सर्वात मोठ्या स्टील प्लांटपैकी एक उद्ध्वस्त झाला. हा प्लांट उद्ध्वस्त होणं हे युक्रेनसाठी खूप मोठं आर्थिक नुकसान आहे. शिवाय यामुळे पर्यावरणाचेही मोठे नुकसान झाले आहे." या ट्विटसोबत वासिलेंको यांनी एका या प्लांटमध्ये झालेल्या भीषण स्फोटांचा व्हिडिओ पोस्ट केला आहे. ज्यामध्ये होणारे स्फोट आणि धूर दिसत आहे. रशिया जाणूनबुजून 'एक मानवी संकट' निर्माण करत असल्याचा आरोप युक्रेनचे अध्यक्ष वोलोदिमिर झेलेन्स्की यांनी रात्री एका दूरसंदेश भाषणात केला आणि आणखी रक्तपात टाळण्यासाठी आपल्याला भेटण्याचे आवाहन रशियाचे अध्यक्ष व्लादिमिर पुतिन यांना केले.