उयघूर मुस्लिमांवरील अत्याचारात चीनला आता पाकिस्तान देणार सहाय्य्य

बीजिंग : पाकिस्तानचे चीनसोबतचे संबंध अधिक दृढ करण्यासाठी पंतप्रधान इम्रान खान यांनी उघडपणे उइगर मुस्लिमांना पाठ दाखवली आहे. बीजिंग दौऱ्यात राष्ट्राध्यक्ष शी जिनपिंग यांची भेट घेतल्यानंतर त्यांनी एक संयुक्त निवेदन दिले, ज्यात तैवानसह दक्षिण चीन समुद्र, हाँगकाँग आणि शिनजियांग प्रांताच्या मुद्द्यावर शी जिनपिंग यांच्या एक चीन-एक धोरणाचे पालन करणार असल्याचे त्यांनी सांगितले.

 

 

 

तैवान, हाँगकाँग, शिनजियांग हे चीनशी संबंधित मुद्दे आहेत, त्यामुळे त्याला जागतिक स्तरावर बदनामीला सामोरे जावे लागत असल्याची माहिती आहे. काही ठिकाणी या मुद्द्यांवर चीनच्या धोरणांना मानवी हक्कांचे उल्लंघनही म्हटले आहे. उइगरांवरील अत्याचार हा एक असा विषय आहे ज्यावर जगातील २४३ संघटनांनी आरोप केले आहेत आणि चीनमध्ये उइगरांवरील अत्याचाराचा पर्दाफाशही केला आहे. पण आंतरराष्ट्रीय अहवाल, दृश्य, पीडितांची विधाने यानंतरही, पाकिस्तानी पंतप्रधानांनी चीनला पाठिंबा दर्शवला आणि ज्या धर्माच्या आधारे संपूर्ण पाकिस्तान बांधला गेला त्याच धर्मामुळे छळ होत असलेल्या शेकडो लोकांकडे दुर्लक्ष केले.

 

 

मुस्लिमांचा मसिहा असल्याचा आव आणणाऱ्या पाकिस्तानचा चेहरा पहिल्यांदाच समोर आला आहे,हे विशेष.जे इम्रान खान अनेकदा भारतातील मुस्लिमांवरील अत्याचाराबाबत खोटी विधाने करतात.काश्मीरमधील मुस्लिमांची परिस्थिती आंतरराष्ट्रीय स्तरावर खोट खोटी मांडतात. तोच पाकिस्तान इम्रान खान यांनी चीनच्या शिनजियांग प्रांतातील उइगर मुस्लिमांच्या दडपशाहीत चीनला साथ दिली नाही तर उइगरांच्या छळातही ते सहभागी झाले आहेत.

 

अलीकडेच, कॅनडा-आधारित थिंक टँक इंटरनॅशनल फोरम फॉर राइट्सने आपल्या अहवालात उघड केले आहे की चीनच्या आर्थिक वाढीमुळे आणि विशेषतः 'चीन पाकिस्तान इकॉनॉमिक कॉरिडॉर (सिपेक)' मधील गुंतवणुकीमुळे पाकिस्तानमध्ये चीनची वाढती उपस्थिती यामुळे बीजिंगला एक उत्तम संधी मिळाली आहे. मानवाधिकारांचे उल्लंघन आणि शिनजियांगमधील उइघुर अल्पसंख्याकांचा छळ वाढला आहे.

 

 

याशिवाय पाकिस्तान मुस्लिमांची किती काळजी घेतो, याचा अंदाज यावरून लावता येतो की, एका प्रकरणात पाकिस्तानी सुरक्षा दलांनी १४ उइगर इस्लामिक विद्यार्थ्यांना चीनच्या हवाली केले, कारण ते उइगर मुस्लिम असल्यामुळे ते चीनविरोधी असतील असा त्यांना सशय आला आणि त्यांनी या व्यक्तींना दहशतवादी म्हणून घोषित करण्यात आले. या उइगरांना चीनच्या ताब्यात दिल्यानंतर त्यांना चिनी सैन्याने ठार केले.

 

गेल्या वर्षी ७ मे २०२१ रोजी पाकिस्तानमध्ये अशीच एक घटना घडली होती जेव्हा उइगर मुस्लिम समुदायाशी संबंधित असलेल्या एका इस्लामिक धर्मगुरूचे पाकिस्तानमधील अधिकाऱ्यांनी अपहरण केले होते. अटक करण्यात आलेल्या मौलवीचा भाऊ अब्दुल वली याने द डिप्लोमॅटला सांगितले की, त्याच्या भावावर ईस्ट तुर्कस्तान इस्लामिक चळवळीशी संबंध असल्याचा आरोप आहे. ही एक दहशतवादी संघटना आहे. वलीचे म्हणणे आहे की तो शिनजियांग प्रांताचा रहिवासी होता. पण १९६० च्या दशकात जेव्हा चीनने उइगर मुस्लिमांना इस्लामचे पालन करण्यास बंदी घालण्यास सुरुवात केली तेव्हा त्यांचे वडील तेथून पाकिस्तानात स्थलांतरित झाले.

 

चीनमध्ये उइगर मुस्लिमांवर सुधारणा करण्याच्या नावाखाली त्यांच्यावर सर्व प्रकारचा रानटीपणा केला जातो. याचा खुलासा आंतरराष्ट्रीय अहवालांमध्ये अनेकदा झाला आहे. उइगर महिलांवर बलात्कार तर होतातच पण गर्भपात केला जातो. त्याच वेळी चीन मुस्लिम पुरुषांना मारण्यास मागेपुढे पाहत नाही आणि त्यांनी मशिदी फोडल्याच्या बातम्या येत आहेत. एका अहवालानुसार तेथे दहा लाखांहून अधिक उइगरांना छळ छावण्यांमध्ये ठेवण्यात आले होते.