यावर्षी आपण स्वातंत्र्याचा ७५ वा वर्धापनदिन - म्हणजेच अमृतमहोत्सवी वर्ष साजरे करतोय... त्या पार्श्वभूमीवर असंख्य देशभक्तांनी धैर्य दाखवत देशासाठी केलेल्या त्यागाचे पुन्हा स्मरण करून देण्याची गरज निर्माण झाली आहे.अशा विस्मृतीत गेलेल्या देशभक्तांची माहिती देणारे ‘वंदन स्वातंत्र्य योध्यांना’ हे सदर ‘तरुण भारत’ने गणराज्य दिनापासून सुरू केले आहे. आज नव्या पिढीला स्वातंत्र्य संग्रामातील या योध्यांविषयी, त्यांच्या कामगिरीविषयी आणि स्वातंत्र्यलढ्याशी संबंधित घटनांविषयी माहिती मिळावी आणि या सुपुत्रांना अभिवादन करावे हाच यामागे हेतू आहे. यासाठी सर्व वाचकांना आवाहन आहे की, आपल्या भागातील स्वातंत्र्य संग्रामातील अनाम वीर, स्वातंत्र्य सेनानी, राष्ट्रीय चळवळीत योगदान देणारी आणि काळाच्या ओघात विस्मृतीत गेलेली ठिकाणे, व्यक्ती आणि अन्य संबंधित माहिती असल्यास ती संबंधित छायाचित्रांसह ‘तरुण भारत’कडे पाठवावी. वास्तव मांडणारे आणि प्रसिद्धीयोग्य माहिती आपल्या उल्लेखासह ‘तरुण भारत’ तसेच न्यूजपोर्टलवरही प्रसिध्द करण्यात येईल.

- संपादक