नंदुरबार : ३४ अमंलदारांना नूतन वर्षानिमीत्त पदोन्नतीची भेट

 

 

वर्षानूवर्षे पोलीस दलात परिश्रम करुन पोलीस अमंलदार आपल्या पदोन्नतीची वाट पाहत असतात. नंदुरबार जिल्हा पोलीस अधीक्षक पी.आर. पाटील यांनी पदोन्नती देणाऱ्या संबंधीत शाखेचे मंत्रालयीन कर्मचाऱ्यांना नंदुरबार जिल्ह्यातील पदोन्नतीस सेवाजेष्ठतेनुसार पात्र असलेल्या सर्व पोलीस अमलदारांना पदोन्नती देणेबाबत सूचना दिलेल्या होत्या. त्याबाबतची सर्व कार्यालयीन प्रक्रिया पूर्ण करुन नववर्षाच्या पूर्वसंध्येस 34 पोलीस हवालदारांना सहा.पोलीस उप निरीक्षक (A.S.I.) या पदावर पदोन्नती देण्यात आली. नववर्षाच्या बंदोबस्तात सर्व अधिकारी व अमंलदार व्यस्त असतांना पोलीस हवालदारांना अचानक संध्याकाळी अशी पदोन्नती झाल्याची बातमी मिळाल्याने पोलीस अमंलदारांचा आनंद द्विगुणीत होवून त्यांच्या चेहऱ्यावर हसू फुलले. नंदुरबार जिल्हा पोलीस अधीक्षक.पी.आर.पाटील यांनी नंदुरबार जिल्हा पोलीस दलातील एकुण 34 पोलीस हवालदारांना सेवा जेष्ठतेनूसार सहा.पोलीस उप निरीक्षक (A.S.I.) पदोन्नती देऊन नववर्षाची जणु भेटच दिलेली आहे.

 

पोलीस दलात सुमारे 30 ते 35 वर्षे अथक परिश्रम घेऊन सेवा करणाऱ्या अमंलदारांचा सहा. पोलीस उप निरीक्षक हा पदोन्नतीचा जवळ-जवळ शेवटचा टप्पा असतो त्यानंतर बहुतेक अमंलदार हे पोलीस दलातुन सेवानिवृत्त होत असतात. पोलीस अधक्षक पी.आर.पाटील यांनी 34 पोलीस हवालदारांना सहा.पोलीस उप निरीक्षक (A.S.I.) या पदावर पदोन्नती दिल्यामुळे पोलीस हवालदारांना पोलीस दलात बजावलेली सेवा सफल झाल्यासारखे वाटले.

 

पदोन्नती झालेल्या सर्व पोलीस अमंलदारांना नंदुरबार जिल्हा पोलीस अधीक्षक पी.आर.पाटील यांनी पदोन्नती बाबत अभिनंदन करुन नव-वर्षाच्या व पुढील भावी वाटचालीसाठी शुभेच्छा दिल्या.

 

 

पितांबर रतन पाडवी, राजु जाधव, लक्ष्मण कोळी, मुंगज्या पाडवी, हर्षल रोकडे, विरसिंग वळवी, गिरधन सोनवणे, पानाजी वसावे, फुलसिंग पटले, मुकेश गावीत, मोहनलाल वळवी, विठ्ठल पावरा, राजेंद्र दाभाडे, राजेश ठाकरे, राजेंद्र चव्हाण, सुपुडू पाडवी, गिरधर माळीच, नरेंद्र वळवी, सुकलाल भिल, राजु पारोळेकर, वंतु गावीत, युवराज रावताळे, फारुकबेग मिर्झा, गणेश वसावे, कृष्णा पवार, वासुदेव वसावे, सादीक शेख, प्रदीपसिंग राजपुत, संजय मराठे, दिपक पाटील, संजय पाटील, रविंद्र पवार, विकास पवार, मुरारजी वळवी या अमलदारांची पदोन्नती झाली.