जागतिक कसोटी अजिंक्यपद स्पर्धेत टीम इंडिया अव्वलस्थानी

मुंबई : इंग्लंडवर मिळवलेल्या विजयानंतर टीम इंडिया जागतिक कसोटी अजिंक्यपद स्पर्धेच्या अव्वलस्थानी पोहोचली आहे. पाकिस्तान दुसऱ्या तर वेस्ट इंडिज तिसऱ्या स्थानावर आहे. भारताने 26 गुणांची कमाई करत ही कामगिरी केली आहे. टीम इंडियाची विजयाची टक्केवारी 54.17 आहे. तर पाकिस्तानचा संघ 12 गुणांसह दुसर्‍या स्थानी आहे आणि संघाची विजयी टक्केवारी 50 आहे. तिसर्‍या स्थानी वेस्ट इंडिजचा संघ असून, त्यांचेदेखील 12 गुण आहेत आणि विजयी टक्केवारी 50 आहे. चौथ्या कसोटी विजयानंतर भारताचे 26 गुण झाले असून पराभवानंतर इंग्लंडची विजयी टक्केवारी 29.17 अशी आहे आणि जागतिक कसोटी अजिंक्यपद स्पर्धेत इंग्लंडचा संघ चौथ्या स्थानावर आहे.