नेट परीक्षा 6 ते 11 ऑक्टोबरदरम्यान

नवी दिल्ली : राष्ट्रीय चाचणी संस्थेने नेट परीक्षेची तारीख आज बुधवारी जाहीर केली असून, ही परीक्षा 6 ते 11 ऑक्टोबर या कालावधीत होणार आहे. कोरोनामुळे डिसेंबर 2020 सत्राच्या परीक्षा आयोजित करण्यात आणि जून 2021 च्या अर्जाच्या प्रक्रियेत विलंब झाला. त्यामुळे दोन्ही सत्रांच्या परीक्षा एकाच वेळी घेण्यात येत आहेत. 

 

ऑक्टोबरमध्ये होणार्‍या यूजीसी नेट परीक्षेसाठी अर्ज प्रक्रिया सुरू झाली आहे. डिसेंबर 2020 सत्र परीक्षा आणि जून 2021 सत्र परीक्षा एकत्र घेण्यात येईल. या दोन्ही सत्रांची परीक्षा एकाच वेळी 6 ते 11 ऑक्टोबर या कालावधीत होणार आहे. इच्छुक उमेदवार यूजीसी आणि एनटीएच्या संकेतस्थळावर आभासी अर्ज करू शकतात. अर्ज भरण्याची शेवटची तारीख 5 सप्टेंबर, तर शुल्क भरण्याची शेवटची तारीख 6 सप्टेंबर आहे. उमेदवार 7 सप्टेंबर ते 12 सप्टेंबर या कालावधीत त्यांच्या अर्जामध्ये सुधारणा करू शकतील. पहिले सत्र सकाळी 9 ते दुपारी 12 आणि दुसरे सत्र दुपारी 3 ते सायंकाळी 6 पर्यंत असेल. ही परीक्षा संगणक आधारित पद्धतीने घेतली जाईल. या परीक्षेत दोन प्रश्नपत्रिका असतील. दोन्ही प्रश्नपत्रिकांमध्ये बहुपर्यायी प्रश्न असतील.