इंग्लंडच्या महिला फुटबॉल संघाचा विक्रमी विजय

डॉन्कस्टर : येथे झालेल्या महिलांच्या फिफा विश्वचषक पात्रता फुटबॉल स्पर्धेतील सामन्यात इंग्लंडच्या महिला संघाने लॅटव्हियाविरुद्ध 20-0 ने विक्रमी विजय नोंदविला. या सामन्यात 10 वेगवेगळ्या खेळाडूंनी गोल नोंदविले असून यात चार हॅट्ट्रिकची नोंद झाली.

 

इलिन व्हाईट संघाची सर्वकालीन आघाडीची गोल नोंदविणारी फुटबॉलपटू ठरली. तिने आतापर्यंत देशासाठी 40 गोल नोंदविलेले आहे. ऑक्टोबरमध्ये रिगा येथे झालेल्या सामन्यात इंग्लंडने लॅटव्हियावर 10-0 ने मात केली होती. यापूर्वी 2005 साली इंग्लंडच्या महिला संघाने हंगेरीविरुद्ध 13-0 असा मोठा विजय मिळविला होता. अन्य एकतर्फी ठरलेल्या सामन्यात आयर्लण्डने जॉर्जियावर 11-0 गोलने तसेच स्पेनने स्कॉटलंडवर तसेच ऑस्ट्रीयाने लक्झेमबर्गवर प्रत्येकी 8-0 गोलने विजय नोंदविले