राष्ट्रपतींच्या हस्ते आज राष्ट्रीय क्रीडा पुरस्कार वितरण

खेळात तसेच क्रीडा स्पर्धेत उल्लेखनीय क्रीडा कामगिरीसाठी दिले जाणारे अर्जुन पारितोषिक हे मागील चार वर्षातील चांगली कामगिरी आणि नेतृत्वगुण, खिलाडू वृत्ती आणि शिस्तपालन करणाऱ्याला दिले जाते.क्रीडा आणि क्रीडा स्पर्धेत उत्कृष्ट मार्गदर्शन करणाऱ्या क्रीडा शिक्षकांना त्यांनी सलगपणे केलेली गुणवत्तापूर्ण कामगिरी तसेच क्रीडापटूंना आंतरराष्ट्रीय स्पर्धांमध्ये कामगिरी उंचावण्यासाठी घेतलेली मेहनत यासाठी द्रोणाचार्य पुरस्कार दिले जातात. खेळ व क्रीडा स्पर्धातील कामगिरीसाठी दिला जाणारा ध्यानचंद जीवन गौरव म्हणजेच लाईफ टाईम अचीवमेंट हा पुरस्कार आपल्या खेळातील कामगिरीने क्रीडा क्षेत्रात मोलाचे योगदान देणाऱ्या आणि खेळातील निवृत्ती नंतरही क्रीडा क्षेत्रात खेळासाठी योगदान देणाऱ्यांना दिला जातो.