स्वच्छ सर्वेक्षण अभियानात जळगाव मनपा ६४ व्या स्थानी

शहरातील ७० ते ७५ टक्के कचरा हा घंटागाड्याद्वारे संकलित होत आहे. त्याचे प्रमाण वाढविण्याची गरज असून प्रत्येक नागरिकाने आपल्या घरातील गोळा होणारा कचरा घंटागाडीत टाकाळा, असे आवाहन मनपा आयुक्त सतीश कुलकर्णी यांनी केले आहे. तसेच सार्वजनिक शौचालयाचा वापर योग्य पद्धतीने करावा. प्रशासन शहर स्वच्छेतेसाठी प्रयत्नशील असून नागरिकांनीसुद्धा आपल्यापरीने शहर कचरामुक्त करण्यासाठी सहकार्य करावे, असेही आवाहन आयुक्त सतीश कुलकर्णी यांनी केले आहे. तसेच गणेशमूर्ती विक्रेत्यांची कोरोना तपासणी होत असून संबंधितांनी ती करुन घ्यावी. जेणेकरुन कोरोनाचे निदान झालेल्या आपल्यासह आपल्या परिवारास सुरक्षित ठेवण्यात मदत होईल, असेही ते म्हणाले.