सावद्यात ११ ते १३ जुलैदरम्यान जनता कर्फ्यू
Total Views |
सावद्यात ११ ते १३ जुलैदरम्यान जनता कर्फ्यू
शहरातील दवाखाने, मेडिकल, दूध डेअरी वगळता सर्व राहणार बंद
फैजपूर : सावदा ता. रावेर येथे कोरोना बधितांची संख्या दिवसेंदिवस वाढत जात आहे. तसेच ९ बाधित रुग्णाचा मृत्यू झाला आहे. पॉझिटिव्ह रुग्ण संख्या ५८ झाली असून अशी बिकटपरिस्थिती असताना शहरात फिजिकल डिस्टन्सिंगचे पालन केले जात नाही. कोरोनाची साखळी तोडण्यासाठी शहरात जनता कर्फ्यूची नितांत गरज असल्याने ११ ते १३ जुलै तीन दिवस कडकडीत जनता कर्फ्यू पाळण्याचा निर्णय घेण्यात आला. याबाबत येथील विश्रामगृहावर सर्वपक्षीय, संघटना, नागरिक यांची बैठक पार पडली. त्यात हा निर्णय झाला. बैठकीला नगरसेवक, पत्रकार, संघटना, लोकप्रतिनिधी सर्वपक्षीय पदाधिकारी वाढत्या कोरोनाच्या वाढत्या महामारीच्या आलेल्या संकटाला कसे थांबवता येईल यावर विचारविनिमय करण्यासाठी सर्वपक्षीय व संघटनांची बैठक घेऊन नियोजन करण्यात आले.
शहरात कोरोना एकमेकांच्या संपर्कातून वाढतो. हे टाळायचे असेल तर अशा संकटात एकमेकाच्या संपर्कात येऊ नये डिस्टनसिंगचे नियम पाळावे. आपला परिवार व आपल्या गावाची रक्षा आपणच करू शकतो आपण सर्व मिळून जनता कर्फ्यू लावून गाव बंद करूनच सुरक्षित राहू शकतो. त्यासाठी आपण सर्वांनी मिळून नगरपालिका प्रशासन, पोलीस प्रशासन ,महसूल प्रशासन यांच्या सहकार्याने नियोजन करून जनता कर्फ्यू पाळण्याची गरज आहे. यावर सर्वांचे सहमत झाले. ११ ते १३ असे तीन दिवस शहरात कडकडीत बंद ठेवण्यात येईल. बंदमध्ये फक्त दवाखाने, मेडिकल, दुग्ध व्यवसाय जनता कर्फ्यू काळात फक्त सुरू राहतील. बाकी सर्व दुकाने, किराणा, भाजीपाला, मोबाईल दुकाने व इतर सर्व दुकाने तीन दिवस संपूर्ण बंद राहतील. जनता कर्फ्यूनंतर १४ पासून शहरातील सर्व भाजीपाला फळविक्रेते रस्त्यावरील दुकाने आठवडे बाजारातील खाली ओट्यावर सोशल डिस्टन्सच्या नियमानुसार विक्री करतील. फक्त सावदा शहरातीलच भाजी विक्री त्यांना दुकान लावता येईल. जनता कर्फू काळात सर्व किराणा भाजी बाजार ,फळ विक्री सर्व बंद राहील. फक्त दूध मेडिकल हॉस्पिटल सुरू राहतील असा निर्णय घेण्यात आला. जनता कर्फ्यूचे निवेदन प्रांताधिकारी डॉ.अजित थोरबोले, मुख्याधिकारी सौरभ जोशी, सहायक पोलीस निरीक्षक राहुल वाघ यांना देण्यात आले. या जनता कर्फ्यूला प्रशासन सहकार्य करेल असे आश्वासन अधिकार्‍यांनी यावेळी दिले.व्यवसायिक व जनतेनेही सहकार्य करावे असे आवाहन करण्यात आले.
बैठकीला बाजार समिती संचालक पंकज येवले, जिल्हा दूध संचालक जगदीश बढे, भाजप शहराध्यक्ष पराग पाटील, शिवसेना शहर प्रमुख मिलिंद पाटील, राष्ट्रवादीचे शहराध्यक्ष कुशल जावळे, सावदा पत्रकार संघ अध्यक्ष भानुदास भारंबे, कैलास लवगडे, पत्रकार संघ उपाध्यक्ष पंकज पाटील व खंडू वाघुळदे, प्रवीण पाटील,सुरेश बेंडाळे, श्याम पाटील, शरद भारंबे, सतीश बेंडाळे, विजय पाटील, भाऊ धांडे, अरबाज खान, नजीर भाई, शरद कस्तुरे, पिंटू धांडे, इलियास टेलर, किशोर जैन, विजय कानडे, रेवा पाटील, नितीन महाजन, स्वप्नील पाटील, गणेश पाटील, सुहास भंगाळे, शुभम वानखेडे, तेजस वंजारी, गजानन पाटील, रुपेश जैन रुपेश धांडे, प्रकाश नेमाडे, यशवंत वाघुळदे, विकास पाटील, ,कमलाकर पाटील, शेख सलीम, प्रमोद चौधरी, अभय निमगले आदी उपस्थित होते.