कोविड अनलॉक 3 : मॉल्स, व्यापारी संकुले, जिम 5 ऑगस्टपासून खुली

 

मुंबई - ‘मिशन बिगिन अगेन’ अंतर्गत सरकारने पुढच्या टप्प्यात आणखी काही निर्बंध शिथील करण्याचा निर्णय घेतला आहे. आता दुचाकीवर दोघांना प्रवास करण्याची मुभा देण्यात आली आहे. केंद्र सरकार पाठोपाठ राज्य सरकारने ही कोविड अनलॉक 3 ची नियमावली जाहीर करण्यात आली आहे. त्यानुसार 5 ऑगस्टपासून मॉल्स, व्यापारी संकुले, जिम, दुकाने, कॉम्प्लेक्स, आऊटडोअर खेळांबरोबर खासगी वाहनांमधून प्रवासराला परवानगी देण्यात आली आहे. तसेच सकाळी 9 ते सांयकाळी 7 यावेळेत सुरू राहतील. मात्र मॉल्समधील थिएटर, फूड मॉल सुरू करता येणार नाहीत. फूड मॉल्समधील हॉटेल्स फक्त घरपोच भोजन देऊ शकतील.

 

 

               तसेच केंद्र सरकारने 31 ऑगस्टपर्यंत शाळा, महाविद्यालये आणि शैक्षणिक संस्था बंद ठेवण्याचा निर्णय घेतला असून त्यानुसार राज्यातही शाळा आणि महाविद्यालये बंदच ठेण्यात येणार आहे.