प्रतिबंधीत क्षेत्रात संचारबंदीचे कठोरतेने पालन करा : डॉ. के.सी. पाडवी यांचे निर्देश

 

 

 

 

 

डॉ.पाडवी म्हणाले, प्रतिबंधीत क्षेत्रात संपर्क साखळीचा शोध आणि नियमांच्या अंमलबजावणीबाबत योग्य नियोजन करण्यात यावे. स्वॅब तपासणीसोबत संसर्गावर नियंत्रण आणणे महत्वाचे आहे. त्यादृष्टीने येत्या काळात पोलिसांची भूमीका महत्वाची आहे. कोरोनाबाबत जनजागृतीवर भर देण्यासोबतच सूचनांचे पालन न करणार्यांविरोधात कडक कारवाई करावी. लग्नकार्यासाठी होणारी गर्दी कमी व्हावी यासाठी ग्रामीण भागात नागरिकांचे प्रबोधन करण्यात यावे. गावात सोशल डिस्टन्सिंगचे पालन करून बैठकीचे आयोजन करीत काही ज्येष्ठ नागरिकांकडे जनतेशी संवाद साधण्याची जबाबदारी देण्यात यावी. बाहेर गावाहून येणार्‍या व्यक्तिंकडे विशेष लक्ष देण्यात यावे. वाहनाने लग्नासाठी जाणार्या गर्दीवर नियंत्रण ठेवण्यासाठी आवश्यक उपाय योजावेत. शेतकर्यांना बी-बियाणे व खतांसाठी शहरात यावे लागू नये यासाठी रेशन दुकानांच्या माध्यमातून कृषी निविष्ठा वितरीत करण्याचे नियोजन करण्याबाबत प्रयत्न करावा. खताच्या योग्य वापराविषयी शेतकर्यांना माहिती द्यावी. युरीयाच्या उपलब्धतेबाबत आपण स्वत: कृषीमंत्र्यांशी चर्चा केली असून युरियाचा पुरवठा पुरेशा प्रमाणात होईल, असे त्यांनी सांगितले.

शेतकर्‍यांना इतरही खतांच्या वापरासाठी प्रोत्साहीत करण्याचे आवाहन त्यांनी केले. पालकमंत्र्यांनी कोरोनाच्या परिस्थितीचा तालुकानिहाय आढावा घेतला. जिल्हा प्रशासन चांगल्या पद्धतीने काम करीत असून नागरिकांनी कोरोनाच्यादृष्टीने आवश्यक खबरदारी घ्यावी आणि नंदुरबार जिल्ह्यात कोरोना बाधितांची संख्या शून्यावर आणण्यासाठी सहकार्य करावे, असे आवाहन त्यांनी केले.

कोरोना नियंत्रणासाठी शासन पातळीवर आवश्यक सर्व मदत उपलब्ध करून देण्यात येईल. सर्व यंत्रणांनी संसर्ग रोखण्यासाठी आवश्यक उपाययोजना करावी, असे पालकमंत्री म्हणाले. प्रशासनाने आवश्यक उपाययोजना केल्या असून बर्याच बांधित व्यक्ती या एकाच कुटुंबातील अथवा त्यांच्या संपर्क साखळीतील आहेत. जिल्ह्यात प्रत्येक पॉझिटीव्ह रुग्णाची संपूर्ण माहिती घेवून संपर्क साखळी शोधण्यावर भर देण्यात येत आहे. पोलीसांच्या मदतीला लवकरच कोतवाल आणि पोलीस पाटील यांची सेवा देण्यात येणार आहे, अशी माहिती यावेळी डॉ.भारुड यांनी दिली.